迪士尼樂園開返喇，大家入咗園未呢？
提提大家，奇妙處處通會藉又可以延長3個月喇！本來我張卡2020年2月已到期，而家延長到2021年4月。大家想知道會藉幾時到期可以上返奇妙處處通網頁，登入後按返管理我的會員卡就可以睇到，大前提下係要喺網頁版加咗卡資料先睇到㗎！
小朋友困咗喺屋企咁耐，Mama決定帶佢大長征，同埋朋友仔一齊去玩返一日。上次嚟已經係10月尾喇，今次嚟到見到樂園多咗好多靚景影相打卡位，適逢15周年更多唔同嘅紀念產品，不過入園之前記得網上預約咗先呀！(暫時星期一、三、五六日開放)
餐飲方面會員一般都會有買一送一優惠(如未享用生日禮遇)，大家可以喺用餐時都可以喺收費處check吓仲有幾多次同埋邊間餐廳呀，有關會員優惠大家都可以上返網站查閱：http://x.hkdl.hk/faqc
p.s 糾結咗好耐帶唔帶車仔好，但係Jasmine仲未戒晏覺，我又抱唔到咁耐，為咗對手臂唔好再變得粗壯，所以...😅
#親子好去處 #迪士尼
Search